සරසවි නිර්මාණ සම්මාන උළෙල
April 30, 2012 in Sinhala, Sinhalen
ලීල් ආනන්ද ගජනායක ප්රමුඛ සරසවි නිර්මාණ පීඨය මගින් වේදිකා නාට්ය කලාවේ නියැලෙන අංකුර කලාකරුවන් දිරි ගැන්වීම සහ ප්රවීණයන්ටප්රසාද ප්රණාම පිදීමේ අරමුණින් පවත්වනු ලබන සරසවි නිර්මාණ සම්මාන ප්රදාන උළෙල විසි අට වැනිවරටත් පසුගියදා කොළඹ ජෝන් ද සිල්වාසමරු රඟහලේදී පැවැත්විණ. සිත්සෙත් කලා සංගමයේ සභාපති ඊ. ඩී. ශ්රියාපාලගේ මාධ්ය සම්බන්ධීකරණ දායකත්යයෙන් පැවැත්වූ මෙහි සමාමාන ලාභී නාම ලේඛණය මෙසේය
හොඳම නිෂ්පාදනය සඳහා වූ සම්මාන කස කෙල්ල වෙනුවෙන් සමීර නිශ්ශංක විසින්ද ලයිට් හවුස් පොඩ්ඩෝ වෙනුවෙන් ජනක උදාර පාරිස් විසින්ද තු මං හන්දියවෙනුවෙන් එච්. පී. එරන්ද විසින්ද හිමිකරගන්නා ලදී. හොඳම නළුවා ලෙසින් සම්මානය දිනාගත්තේ ලයිට් හවුස් පොඩ්ඩෝ හි රංගනය වෙනුවෙන් සුජිත් මදුරාවෙල විසිනි. සොයා ගන්නම වෙනවා හි රංගනය වෙනුවෙන් ඕෂධී සේනානායක හොඳම නිළිය ලෙසින් සම්මාන දිනාගනිද්දී සහෘදයෝ සහ කස කෙල්ල වෙනුවෙන් ලහිරු විජේසුන්දර සමඟින් යුලාජි සංජානා ප්රනාන්දු හොදම සහය නළුවා සහ හොඳම සහය නිළිය සම්මාන හිමිකරගන්නා ලදී.
හොඳම රචනය උදෙසා අමිතා රම්බඩිගලගේ විකසිත පෙම සම්මාන දිනාගනිද්දී හොඳම සංගීතය සොයා ගන්නම වෙනවා හි රණවි අතුකෝරල ද හොඳම වේදිකා පසුතල නිර්මාණය ලයිට් හවුස් පොඩ්ඩෝහි ජනක උදාර පාරිස් ද හොඳම අංග රචනය කස කෙල්ල හි දිලිනි උත්සලා ද හොඳම ඇඳුම් නිර්මාණය කස කෙල්ල හි රිද්මා මදෝරා ප්රනාන්දු ද හිමිකරගන්නා ලදී
සරසවි නිර්මාණ ප්රසාද පූජා සම්මාන හිමිවූයේ බන්දුල විතානගේ,සෝමලතා සුබසිංහ, සේනානායක වේරලියද්ද, රවිබන්දු විද්යාපති, මීනා කුමාරි, නදී චන්ද්රසේකර යන කලා ශිල්පීන්ටය. විශේෂ දායකත්ව සම්මානය චන්ද්රිකා ද සොයිසාට හිමිවද්දී මාධ්ය ඇගයීම් සම්මානහිමිවූයේ අර්නස්ට් වඩුගේ, ගාමිණී සුමනසේකර සහ කරුණාරත්න අමරසිංහ යන ශිල්පීන්ටයි.
