ජාතික නාමල් උයන ඇසුරේ පවතින අක්කර හැටක පමණ භූමිය පුරාවට ඓතිහාසික වටිනාකමක් ඇති ගොඩනැඟිලි වල නටබුන් මෙන්ම බෞද්ධාගමික වටිනාතමක්ද ඇති බෝධිඝර, චෛත්‍යය ආදී නටබුන්ද දැකගත හැකිය. ඒ අතර පුරාණ නාමල් සෑය, බෝධිඝරය, පිළිමගෙය සහ ආවාස ගෙය, සීමා මාලකය, පධානඝරය, ගල් පහණ, ගල් පාත්තරය, ආසනගරය, සක්මන් මළුව සහ පබ්බත විහාරය වැදගත් වෙයි. මෙම වන අරණට පිවිසෙන ඕනෑම  කෙනෙකුට අත්විඳිය හැකි සිසිල් දිය දහරක් ඇත. මෙය ඉතා පුදුම සහගත එකකි. රෝස තිරිවානා පරයෙන් මතුව එන මෙම සිසිල් දිය දහර ගලින් තනන ලද පාත්තරයකට වැටීමෙන් අනතුරුව අතුරුදන් වන මෙම දිය දහර ඉන් කිලෝමීටරයක් පමණ ගියතැන පිහිටි උරනකෝට්ටේ නම්  ස්ථානයෙන් යළි මතුවී ඒ අසල ගම්මානයේ ජනයාට ගොවිතැන සඳහා අවැසි ජලය ලබා දෙන්නේය.

ලංකාවේ ජාතික වෘක්ෂය වන නා වෘක්ෂයන්ගෙන් ගහන ජාතික නාමල් උයන වන අරණ වාසභූමි කරගෙන දිවිගෙවන සත්ව වර්ග ගණනාවකි. ඒ අතර කුරුළු විශේෂ 60ක් පමණද, ශාක විශේෂ 72ක් පමණද සුවිශේෂී වන්නේ එහි ඇති ජෛව විද්‍යාත්මක වටිනාකම නිසාවෙනි. එමෙන්ම මීටර 180 පමණ සිට මීටර 300ක් පමණ දක්වා වන රෝස තිරිවානා කඳු සප්තකය වසර මිලියන 550ක පමණ ඉතිහාසයක් සහිත එකකි. නාමල් උයන තුල කුඩා දිය ඇලි තුනක් දැකිය හැක. ඓතිහාසික පුරාවෘත්ත ගෙනහැර දක්වන තොරතුරු වලට අනුව ලොව අසමසම නිර්මාණයක් වූ ටාජ්මහල් ඉදිකල සාජහාන් අධිරාජයා සිය නිර්මාණය සඳහා අවැසි රෝස තිරිවානා අප රටේ නාමල් උයන රෝස තිරිවානා කඳුවලින් රැගෙනගොස් ඇත.

උඩමළුවේ සිට බැලූ මානයේ පිහිටා ඇති ස්වේත වර්ණ මහා දාගැබ අටමස්ථානයන් හි තවත් එක් වටිනා සිද්ධස්ථානයකි.දුටුගැමුණු රජුන් විසින් ඉදිකරන්නට යෙදුනු මෙම මහා දාගැබ ස්වර්ණමාලී මහා සෑයයි. රුවන්වැලි සෑය නමින්ද හඳුන්වනු ලබන මෙය මීටර 55ක් පමණ උසට ඉදිකර ඇති බුබ්බුලාකාර ස්වරූපයේ චෛත්‍යයකි. ලක්දිව එක්සේසත් කිරීමෙන් අනතුරුව නිර්මාණය ඇරඹී මෙම මහා සෑයේ අවසානය සියැසින් දැක ගැනීමට මෙයට මූලිකත්වය දුන් දුටුගැමුණු රජුට හැකියාව ලැබී නැත. එබැවින් මරණාසන්න රජු මෙම සෑය අබියසට රැගෙන විත් එය නිර්මාණය කර ඇති වග පෙන්වීමට උණ බම්බු සහ සුදු රෙදි ඔතා තාවකාලිකව නිම කරන ලද චෛත්‍යය රජුට පෙන්වීමට ඔහුගේ සොයුරු කටයුතු කර ඇති බව පුරාවෘත්ත වල සඳහන් වෙයි.

රුවන්වැලි සෑය පෙනෙන මානයේ පිහිටා ඇති ගල් කුළු රැසකට මැදි වූ කුඩා චෛත්‍යය ථූපාරාමයයි.මිහිඳු හිමියන්ගේ සමයේම ඉදිවූ මෙය ලක්දිව මුල්ම චෛත්‍යය ද වන්නේය.දේවානම් පියතිස්ස රජුන් විසින් කරවූ මෙහි මුල් හැඩය ධාන්‍යාකාර වූ බව පුරාවිද්‍යා මතයයි.ස්ථූපයක් මැදිකොට තැනූ ආරාමය යන අරුත මෙය‍‍ට ලබා දී ඇත.මෙහි උස මීටර 19ක් පමණ වෙයි.ගල් කුළු මත ඉදිකරන ලද දැවමය වහලයකින් ආවරණය ලද මෙවැනි ස්ථුප වටදාගෙය නමින් හඳුන්වනු ලැබේ.

දුටුගැමුණු රජු විසින් අදින් වසර දෙදහසකට පමණ පෙර ඉදිකරන ලද සංඝාවාසයක් උඩමළුවටත් රුවන්වැලි මහා සෑයටත් අතරේ පිහිටා ඇත. අටමස්ථාන අතර තවත් එක් වැදගත් ස්ථානයක් වන මෙය ලෝවාමහාපායයි.දැනට ඉතිරිව ඇත්තේ ගල් කණු 1600ක් පමණ වුවත් එදා හෙළ රජ දවස මහා සංඝරත්නය දහසකටත් වඩා නවාතැන් පහසුකම් සැලසූ මහල් නවයකින් යුතු සුවිසල් ගොඩනැගිල්ලක්ව පැවතුණු මෙම සිද්ධස්ථානයේ වහලය පිත්තලෙන් නිර්මාණය කර තිබූ බවට මතයක් පවතී.

මුල් යුගයේ ජේතවනාරාමය ලෙසින් හඳුනාගනු ලැබූවද පසුකාලීනව අභයගිරිය ලෙසින් ස්ථිර කරගත් මහා සෑය අටමස්ථානයේ තවත් එක් වැදගත් ස්ථානයකි.දැනට ගරාවැටී ඇති නමුත් සංස්කරනයන් සිදුවෙමින් පවතින මෙය එදා මෙරට බෞද්ධාගමික මධ්‍යස්ථාන අතර මුල්තැන ගත් විහාරාරාම සංකීරණයක්ව පැවත ඇත. මෙය වළගම්බා රජුගේ ඉදිකිරීමකි.එවකට සංඝයා වහන්සේ 5000ක් පමණ මෙහි වැඩවිසූබව සඳහන්ය.සොලී පහරදීම් හමුවේ පලායමින් සිටි වලගම්බා රජුට “මහා කලු සිංහලයා පලා යනවා” යැයි කියමින් නින්දා කල ගිරි නම් ජෛන පූජකයෙක් මෙහි විසූ බවත් රජු නැවත රජවූ පසු ගිරි පලවා හැර තමාට සැඟවී සිටි සමයේ උදව් උපකාර කල හිමි නමකට මෙම විහාරය කරවා පූජාකල බවත් සඳහන්ය.

දැනට සංරක්ෂණය කර ඇති අභයගිරිය තරමේම තවත් එක් මහා සෑයකි ජේතවනාරාමය. අටමස්ථාන අතර තවත් එක් වැදගත් ස්ථානයක් වන මෙය මහසෙන් රජ සමයේ ඉදිකරනු ලැබ ඇත.දැනට මෙය උසින් මීටර 70ක් පමණ වන නමුත් එය එවකට මීටර 100ක් පමණ වන්නට ඇති බව පුරාවිද්‍යා මතයයි.මෙය ලොව තෙවැනි උසම ඓතිහාසික ඉදිකිරීමද වන්නේය.වර්ෂ එක්දහස් නවසීයේදී පමණ ලියැවී ඇති බිතාන්‍ය කෘතියක සඳහන්ව ඇත්තේ මෙම දාගැබේ වූ ගඩොල් වලින් ලන්ඩන් නුවර සිට එඩින්බර්ග් දක්වා මීටර තුනක පමණ සෘජු බැම්මක් ඉදිකලහැකි බවයි.මෙය එවකට සංඝයා වහන්සේලා 3000කට පමණ නවාතැන් පහසුකම් සැලසූ බව සඳහන්ය.

එළාර රජු පරදා ලක්දිව එක්සේසත් කල දුටුගැමුණු රජු,තිසාවැව අසබඩ තමන්ගේ ජය කොන්තය නිදන්කර නිර්මාණය කරන ලද දාගැබ මිරිසවැටියයි. තිසාවැවත් බසවක්කුලම වැවත් යා කරන මාවත පසෙකින් පිහිටා ඇති අටමස්ථාන අතර තවත් එක් සිද්ධස්ථානයක් වන මෙහි පසෙකින් බිතාන්‍ය පාලන සමයේ ඉදිකරන ලද සිර මැදිරි සංකීරණයේ කොටසක් දැකගත හැකිය. එවකට වැරදි කරුවන් එල්ලා මැරීමද මෙම ස්ථානයේ සිදුකර ඇත.සංඝයා වහන්සේට නොපිළිගන්වා කිසිත් අනුභව නොකල දුටුගැමුණු රජු අතපසුවීමකින් සංඝයා වහන්සේට නොදී මිරිස් මාළුවක් ආහාරයට ගත් හෙයින් ඒ වැරැද්ද හදාගැනීම අරමුණුකර මෙය නිර්මාණය කලබවජන වහරේ මෙන්ම අතීත පොත්පත් වලද සඳහන්ව ඇත.

අටමස්ථාන අතර අවසන් සිද්ධස්ථානය ලංකාරාමයයි.මෙය වළගම්බා නිරිඳුන්ගේ නිර්මාණයකි.මේ පිළිබඳව සඳහන් වන ඓතිහාසික තොරතුරු අවම වන අතර දැනට ඉතිරිව පවතින ගල්කණු දෙස බැලීමේදී මෙයද අනිවාර්යයයෙන්ම ථුපාරාමයේ මෙන් වටදාගයකින් ආවරණය වී තිබෙන්නට ඇති බව අනුමාන කල හැකිය.

නල්ලච්චිය මහා විද්‍යාලයෙන් මුලික අධ්‍යාපනය හදාරන අතුල උසස්පෙළ සඳහා තඹුත්තේගම මධ්‍යමහා විද්‍යාලයට ඇතුළු වෙනවා. රඟපෑමට තිබූ උවමනාව නිසාවෙන්ම නළුවා යන අනවර්ථ නාමයක්ද අතුලට ලැබී තිබෙනවා ඒ සමයේ. විශ්ව විද්‍යාල සුදුසුකම් සඳහා ලකුණු මඳ වූ හෙයින් සිය සිහිනය වූ නළුවෙකු වීම අපේක්ෂාවෙන් අතුල ජාතික තරුණසේවා සභාව හා එක්වෙන්නේ එක්දහස් නවසිය අනූ නවය වසරේ. වසන්ත දුක්ගන්නාරාළ, දිමුතු චින්තන ආදීන්ගේ මඟපෙන්වීම යටතේ සිය හැකියාවන් කරළියට ගෙන එක අතුල මෙතෙක් කල් තමා උගත් සියල්ල නිසිආකාරයෙන් උගැන්මට කොළඹට පැ‍මිණෙනවා. පුරා වර්ෂයක් මහරගම තරුණසේවා සභාවේ ශිල්ප හදාරන අතුල එහිදී වේදිකාව ජයගන්නට අවැසි බොහො දේ ඉගෙනගන්නවා. ඉන් පසු ජයලත් මනෝරත්න, නිශ්ශංක දිද්දෙනිය, බන්දුල ජයවර්ධන, බන්දුල විතානගේ, ඩග්ලස් සිරිවර්ධන වැනි වේදිකාවේ යෝධයන් සමීපව ඇසුරු කරමින් තමා උගත් න්‍යායන් පායෝගික තලයේ යොදාගන්නවා. රජගහේ නාඩගම, සිංහබාහු ආදියේ අංග රචනයට අතුලට දායකවන්න ලැබෙන්නේ මේ අතරතුරයි. වේදිකාව හා ගැටෙමින් සිටි අතුලගේ ගමන්මඟ වෙනස් කරමින් 2002 වසරේදී ඔහු සිරස මාධ්‍ය ආයතනය සමඟින් අංග රචනා ශිල්පියෙකු ලෙස  සම්බන්ධ වනවා.වැඩසටහන් සහය අධ්‍යක්ෂක වරයෙකු වශයෙන් එහි කටයුතු කරන අතුල හඩ කැවීම් ශිල්පියෙකු වශයෙන් සහ හඩකැවීම් අධ්‍යක්ෂක වරයෙකු ලෙසින් ලොව පුරා ජනාදරය දිනූ ටොම් ඇන්ඩ් ජෙරී, ස්කුබි ඩූ ආදී කාටූන් මාලාවන් මෙන්ම ළමා සිනමා කෘති ගනනාවක් සඳහා සිය දායකත්වය ලබා දී තිබෙනවා.

යළිත් වරක් සිය ගමන් මඟ වෙනතකට යොමු කරමින් සිය මාධ්‍ය ලෙස කෙටි සිනමාව තෝරාගන්නා අතුල අධ්‍යක්ෂණය කර ඇති කෙටි චිතපට ගනන හයකි.ඒ අතර තුර මෙතෙක් කලක් වේදිකාවේ පසුපසින් සිටි අතුල වේදිකාවේ ඉදිරියට ගෙන එන්නට ඉන්දික ෆර්ඩිනැන්ඩුගේ කලම්බු කලම්බූ වේදිකා නාට්‍ය සමත් වෙනවා. එහි රංගන ශිල්පියෙකු වශයෙන් අතුල මහත් කාර්ය භාරයක් ඉටුකරනු ලබනවා. ජාත්‍යන්තර උළෙල ගනනාවක් නියොජනය කර ඇති එය මේ දක්වා ලබා ඇති සම්මාන සහතික පිටුපස ඇති ශක්තිය අතුල ඇතුලු කලා ශිල්පීන් එතමුතුවයි. එමෙන්ම අතුලගේ අධ්‍යක්ෂණයක් වන ඩාක්නස් සිනමා කෘතිය ජාත්‍යන්තර උළෙල සඳහා මේ වන විටත් ඉදිරිපත් කර තිබෙනවා. සිය කෙටි සිනමා නිර්මාණයම වේදිකාවට ගෙනඒමේ අතුලගේ උත්සාහය ඩාක්නස් කෙටි නාට්‍ය ඔස්සේ දැකගත හැකිය. එය දැනට රාජ්‍ය නාට්‍ය උළෙලේ අවසන් වටයේ සිටින නාට්‍යයකි.”වේදිකා නාට‍්‍යයක් කියන්නෙ කටුක සොඳුරු අත්දැකීමක්. මහත් වෙහෙසක් දරා කරනු ලබන පුහුණුවීම් වලින් අනතුරුව දර්ශණ වාරයේදී පේක්ශකයා දක්වන පතිචාර හරිම සොඳුරුයි.” ඒ වේදිකාව පිළිබඳ අතුලගේ මතයයි.

රසිකත්වය බිඳවැටීම සම්බන්ධ අතුලගේ මතය තරමක් වෙනස්. රසිකයාට විඳින්නට හැකි  නිර්මාණ නිර්මාණකරුවා තුලින් බිහිවන්නේනම් අදටද හොඳ රසික පිරිසක් වේදිකාව වටා සිටිනා බව ඔහුගේ අදහසයි. උසස් නිර්මාණ එළිදැන්වී‍මේදී රංග ශාලා පිරී යාමම එයට සාක්ෂියක් ලෙස ඔහු ගෙනහැර දක්වයි.එමෙන්ම අගනුවරින් ඔබ්බෙහි රංග ශාලා නොමැතිකමින් දුරබැහැර රසික පිරිස වේගයෙන් වේදිකාවෙන් දුරස්වීම පිළිබඳ කණගාටුවට පත්වන බවත් වගකිව යුත්තන්ගේ අවධානය ඒ පිළිබඳව යොමුවෙනු ඇතැයි තමා අපේක්ෂා කරන බවත් ඔහු පැවසීය. රටක මහජනයා අන්ධවී ලබන ‍භෞතික දියුණුව අර්ථවත් නැති බවත් එබැවින්ම රසිකත්වයත් සංවේදීත්වයත් මිනිසුන් කෙරේ බැඳ තබන කලාව සියළු මිනිසුන් සමීපයේ තිබේවා යන්න සිය අපේක්ෂා බවත් ඔහු අප හා පැවසීය.

If you are looking for funky Sri Lankan Online Calender visit here to get one.

වර්ග මීටර 15,562ක භූමියක ඉදිවී ඇති මෙම ගොඩනැඟිල්ලේ උස මීටර 28කි. මහල් පහකින් සමන්විත මෙහි බිමි මට්ටමේ මහල් දෙකකි. පධාන නැරඹුම් ශාලාව මහල් තුනකින් යුක්ත වන අතර එහි බිම් මහල සහ බැල්කනි දෙක නරඹන්නන් 1288 දෙනෙකු සඳහා ආසන පහසුකම් සලසා ඇත. සෙසු නැරඹුම් ස්ථාන සඳහා ආසන 776ක් ද ඒවායේ බැල්කනි සඳහා ආසන 359ක්ද එයට අමතරව පභූන් සඳහා වෙන්කරන ලද කුටි තුල ආසන 153ක්ද ඇත. නැරඹුම් ශාලාවේ ඉහත මාලයේ පභූන් සඳහා වෙනම විවේකාගාරයක්ද තනා ඇත. පෙර පුහුණුවීම් සඳහා වෙනම ශාලාවක්ද හැඩගැන්වීම් සඳහා පහසුකම් ද මෙම උඩුමහලේම ඇත. එයට අමතරව ඉදිරිපත් කිරීම් වලදී භාවිතා කිරීමට වේෂ නිරූපන කටයුතු වෙනුවෙන් අති නවීන පහසුකම් සහිත කාමර 12ක් බිම් මහලේ ඇත. එයට අමතරව ඔපෙරා සංදර්ශණයන්ට පෙර විවේකය අවශ්‍ය සංගීතඥයන්ව‍ වෙනුවෙන් පහත මාලයේ වෙනම විවේකාගාරයක්ද ඇත. භුගත රථවාහන අංගනය වාහන 65ක්සඳහාද ශාලාව ආසන්නයේ වාහන 200ක් සඳහාද මුළු භූමි භාගය පුරාවට රථවාහන 600කට පමණද නවතා තැබීමේ පහසුකම් මෙහි සලසා දී ඇත.

ඉහල පහල ගෙනයාමටත්, හැකිලීමට දිග ඇරීමටත් හැකි ලෙස නවීන තාක්ෂණික අංගෝපාංගයන්ගෙන් සමන්විතව ඉදිකර ඇති පධාන වේදීකාව මීටර 69ක්පමණ පළල් ය. ඔපෙරා නිර්මාණයක් ඉදිරිපත් කිරීමේදී මෙම සම්පූරණ වේදිකාවම භාවිතාකළ හැකිය. ගොඩනැඟිල්ලේ ඉහත මාලය එළිමහන් රංග පීඨයකි.කොළඹ නගරයේ සිරි විඳගැනීමටත් එළිමහන් රංගන ශෛලීන් පුරුදු පුහුණු වීමට සහ රඟ දැක්වීමටත් මෙම කොටසේ පහසුකම් සලසා ඇත. විදුලි පහන්500කින් පමණ සමන්විත වන අති නවීන HDL 2011 Lighting Control System අනුව සැකසුනු විදුලි ආලොක කරණ පද්ධතියක් මෙම රඟහල සතුය. එමෙන්ම ලොව ඉහළම ඔපෙරා රඟහලවල් තුල දැකිය හැකි 48-Mono 04 Stereo, 32-Mono 04 Stereo (Sound Craft MH4/MH3) ශබ්ද පාලන පද්ධතියක්ද, වේදිකාවේ සියළු සිදුවීම් පටිගත කිරීමේ පහසුකම සහිත කැමරා පද්ධතියකින්ද, ආරක්ෂක කටයුතු උදෙසා සවිකරන ලද අති නවීන CCTV කැමර පද්ධතියකින්ද මෙම රඟහල සමන්විතය. හදිසි විදුලි ඇණහිටීමකදී බාධාවකින් තොරව රංගනයන් ඉදිරිපත් කිරීම සඳහා 1256KVA විදුලිජනක පද්ධතියක් මෙම රඟහලට යොදාගෙන ඇත. සුපිරි හෝටලයක අන්දමේ සනීපාරක්ෂක පහසුකම් පද්ධති මෙන්ම ශාලාව ඉදිරිපස පොකුණට යාබදව නිදහස් පරිසරයක ඉදිකරන ලද අවන්හල ද මෙහි ඇති සුවිශේෂි අංගයන්ය. මෙම රංගශාලාවේ නඩත්තු කටයුතු සිදුකරන්නේ නාවික හමුදාවේ නාවුක ඉංජිනේරු අංශය මඟිනි.

Ray J සිනමාකරණයට පිවිසෙන්නේ 2004 දී පමණ කෙරුණු කෙටි චිත්‍රපටයක් සමග. ඉන් අනතුරුව ඔහු 2005 දී නවසීලන්තය බලා පිටත්ව යන්නේ සිනමාව පිලිබඳවැඩිදුර හැදෑරීමක් කෙරීම සඳහා. Auckland සරසවිය සහ South East Film & Television

School උසස් අධ්‍යාපන ආයතනයේදී ඔහුගේ සිනමා සිහිනය සැබෑ කරගත් පසු,වසර 5 කට පසු නැවත ලංකාවට එන්නේ ඔහු උගත් සිනමා මාධ්‍යය භාවිතා කරල වැඩි පිරිසකට දැනෙන
නිර්මාණ බිහි කිරීමේ අපේක්ෂාවෙන්. 2010 දී ඔහු නිර්මාණය කළ ”ට්‍රේන් ටු කැන්ඩි” තමයි මෙරටට පැමිණ මුලින්ම කළ නිර්මාණය. එය මෙම ජනවාරි මාසයේ බොහෝ දුරට මෙරට
රසිකයන්ට දැකබලාගන්නට හැකිවේවි. ළමා ගණිකා වෘත්තිය හා එහි නියැළී පසුව එහි වරද අවබෝධ කරගන්නා කාන්තාවක් සම්බන්ධ සමාජ ගැටළුවක් පිළිබඳවයි එහිදී සිනමා නිර්මාණයදිගහැරෙන්නේ.
මෙරට ජනපිය නළු නිළි යුවලක් වන නදීශා හේමමාලී සහ මේනක රාජපක්ෂත් හඳුන්වා දෙන ළමා නිළි දේශානී පතිරනත්ඇතුළු පිරිසක් මෙහිරංගනයෙන් දායක වනවා.

ඔහුගේ දෙවැනි නිර්මාණය වන්නේ  Re – Entry නම් වූ විද්‍යා ප්‍රබන්ධයයි. ලංකාවේ සිනමාවට තරමක් නැවුම් වූ මෙම නිර්මාණය පිලිබඳ ඔහු කියන්නේ මෙසේයි.

“Train to Kandy” seven minute promo – Feature film from Ray Jay on Vimeo.

“මේ තේමාව යටතේ ලෝකයේ බොහෝ සිනමා නිර්මාණ බිහිවී තිබෙනවා. නමුත් මෙහි යම් යම් සුවිශේෂීතාවන් මා දකිනවා. මුලින්ම කියන්න අවශ්‍යයයි මෙහි වියදම්පාර්ශවය. ඉතාමත් අඩු සම්පත්
පමාණයක් සහ අඩු පිරිවැයක් වැය කරමින් ගරිල්ලා මට්ටමේ සිනමා නිර්මාණයක් කරන්නට මමත් මගේ කණ්ඩායමත් සමත් වුනා.තවමත් මෙහි රූගත කිරීම් සිද්ධ වෙනවා. මෙහි තිර පිටපතේ සිට
සංස්කරණය දක්වා බොහෝ කටයුතු මම විසින්මයි සිදුකළේ. දෙවැනි කාරණය මෙහි නිර්මාණ කටයුතුසඳහා අන්තර්ජාලය ඔස්සේ දැන හඳුනාගත් සහ කිසි දිනෙක මුහුණට මුහුණ හමු නොවූ පිරිසක්
මා සමඟ කටයුතුකරනවා. තුන්වැනි කාරණය තමයි මෙය අනාගතයපිළිබඳ දැක්මක් රසිකයා වෙත ලබා දෙනවා. මෙහි රූගත කිරීම් ලංකාවේ විවිධ පදේශවල සිදුකරනවා. නිර්මාණයේසඳහන් පරිදි
ව්‍යසනයක් මෙරටට අනාගතයේ ඒකියන වකවානුවකදී ඇති වුවහොත් එම ස්ථාන කෙසේ දිස්වෙයිද යන ආශ්වාදනීය හැඟීම ලබන්නට මෙහි රසිකයාට නිතැතින්ම හැකිවෙනවා. ඒ වගේම තවත්
වැදගත්මකරුණක් වන්නේ මෙරට තුළ නිෂ්පාදනය කෙරෙන ත්‍රිමාණ තිරගත කිරීමේ හැකියාව සහිත, එනම් ත්‍රිමාණ අත්දැකීමක් සිය රසිකයාට ලබාදිය හැකි මුල්ම දේශීයසිනමා නිර්මාණයද මෙය වීමයි.”

මහනුවර ඉපිද  Kandy Grammer School වෙතින් මූලික අධ්‍යපනය ලබා උසස්පෙළ සඳහා මම කොළඹට ආ ඔහු ඒ අවධියේ Arena Multimedia Acedemy ආයතනය හාසම්බන්ධ වී බහු මාධ්‍යය සහ ත්‍රිමාණ සජීවීකරණය හදාරනවා. ඉන් පසු තමයි ඔහු වැඩිදුර සිනමාව හදාරන්නට  විදෙස්ගත වන්නේ.

Ray  සිනමාවට යොමු වූ ආකාරය ගැන අපට මෙසේ පැවසුවා.

“ඇත්තෙන්ම ලෝකප්‍රකට ස්ටාවෝස් චිත්‍රපට මාලාව මාව සිනමාවට යොමුකළා. එහෙත් පසුකාලීනව මට ඇතිවූ මුලිකම ගැටළුව වූයේ එවැනි දැවැන්ත සිනමානිර්මාණ සිදුකිරීමට
අපට ඇති ආර්ථික හැකියාව පමාණවත්ද යන්නයි. ඒ නිසාම සිනමාව යළිත් වතාවක් සිහිනයක්ම පමණක් වෙමින් තිබූ යුගයක Robert Rodrego නම් සිනමා අධ්‍යක්ෂක වරයා
පිළිබඳව මට දැනගන්නට ලැබෙනවා. තමන් සතු එකම එක කැමරාවකින් තමන්ගේම නෑදෑයන් පිරිසක් නළු නිළියන් ලෙසින් ගෙන ඔහුවිසින් සිදුකරන ලද ElMariatsi සිනමා නිර්මාණය
පසු කලෙක ලෝකප්‍රකට කොළොම්බියා සිනමා සමාගමේ වාර්තා  තැබූ සිනමා කෘතියන් වීම මාව නැවතපණගැන්වූවා.”

ජෝර්ජ් ලුකස් ගේ Star  Wars චිත්‍රපට මාලාව තුලින් පිබිදෙන මොහු පසු කලෙක හැබැවටම Lucasfilm Animation Singapore හි දී
Star Wars: The Clone Wars (2008 TV series) සඳහා සිය දායකත්වය ලබා දෙනවා.

“මම සිනමාවට පිවිසෙද්දී මගේ දෙමාපියන් තුළ වුනත් තිබුනේ යම් කිසි සැකයක්. ඒත් අද ඔවුන් දන්නවා මට මෙහි පැහැදිලි දැක්මක් ඇති බව.මගේ හැකියාවන්
තුළින්සාර්ථක නිර්මාණයක් කරල එතුළින්

නේපාලයේ කත්මණ්ඩු නුවර පිහිටා ඇති සාර්ක් මහ ලේකම් කාර්යාලය පිහිටවූයේ 1987 වසරේදීය. ලෝක ජනගහනයෙන් 20%ක් පමණ සාර්ක් සංවිධානය නියෝජනය කරන රටවල වෙසෙති. ආරම්භක අවධියේදී රටවල් හතක සාමාජිකත්වය තිබූ සාර්ක් සංවිධානය මෑතකදී සිදුවූ ඇෆ්ගනිස්තානයේ එක්වීමත් සමඟ රටවල් අටක සාමාජිකත්වයෙන් නිර්මිත ජාත්‍යන්තර සංවිධානයක් වී ඇත. ඇෆ්ගනිස්තානය හැර බංගලාදේශය, නේපාලය, භූතානය, ඉන්දියාව, පකිස්ථානය, මාලදිවයින සහ ශී ලංකාව යන රටවල් මෙලෙස සාර්ක් සංවිධානයේ සාමාජිකත්වය දරන රටවල් වේ. සාර්ක් සමුළුවේ ඇති තවත් එක් සුවිශේෂී ලක්ෂණයක්නම් මේ සමුළුව සඳහා රාජ්‍ය නායකයා හැර විශේෂ දූතයන් හෝ නියෝජිතයන් සහභාගී කරවීමට නොහැකි වීමයි. ඒ අනුව 1991 වසරේ කොළඹදී පවත්වන්නට යෙදුනු සාර්ක් සමුළුව භූතානයේ රාජ්‍ය නායකයා වෙනුවට විශේෂ දූතයෙකු එවීම නිසා අත්හිටූවන ලදී. රාජ්‍ය නායකයන්ගේ සමුළුවට අමතරව විදේශ ඇමති වරුන්ගේ සමුළුව සහ විදේශ ලේකම් වරුන්ගේ සමුළුවද මෙහිදී පැවැත්වේ. සාර්ක් මහ ලේකම් කාර්යාලය සංවිධානයේ පරිපාලන මධ්‍යස්ථානයයි. කලාපීය සහයෝගීතාවය උදෙසා රාජ්‍ය නායකයෝ ආරක්ෂාව, සෞඛ්‍යය, තස්තවාදය මර්ධනය, සාර්ක් වරණාත්මක ගිවිසුම හෙවත් SAPTA සහ සාර්ක් නිදහස් වෙළඳ ගිවිසුම ආදී ගිවිසුම් ගනනාවකට එකඟ වී ඇත.

දිනිති, ඔබ ලේඛිකාවක් ලෙසින් හඳුන්වා දුන්නොත්? මම නිවැරදිද?

ලේඛිකාවක්ම වෙලා නැහැ ..ඒත් ලියනවා…මාත් හිතනවා.

ඔබ වෘතියෙන්?
හෙදියක්, පුද්ගලික අංශයෙ

ඔබ වෘත්තියට පිවිසෙන්නටත් ලෙර සිටම ලියනවාද?
ඔව්… දන්න දා ඉදන් ලියනවා.

ලේඛණයට අත් පොත් තබන්නේ කෙලෙසද? මොන යුගයේද?
ඉස්කෝලෙ යන කාලෙ ඉදන්ම මම ලේඛණයට යොමුවෙලා හිටියේ…වැඩියෙන්ම ලියන්න ගත්තෙ විදේශගත වුනාට පසුවයි.

ඔබගේ වීර වරයන් සහ වීර වරියන් කවුරුන්ද?
මගේ එකම වීර විරයා සහ වරිය මගේ අම්මා…

ලේඛණයේ ඔබගේ ගුරුවරයා කවුද?
මගේ අයියා ලියන දේවල් හැමදාම දැකලා දැකලා තනියමම ලියන්න පුරුදු වුනේ.

ගීත ඇල්බමයක් කිරීමට හේතුව?
කාලයක් තිස්සෙ මගෙ හීනයක් තිබුණා. ‍මම ලියන දේවල් වලින් ළග තියාගෙන විඳින්න දෙයක් දෙන්න ඕනි කියලා. හහ හිතන්නෙ හීන කුමාරී බිහිවුනේ
මගේ මේ හීනය නිසයි.

ඔබ ගීත රචනා කිරීම අරඹන්නේ මොන කාලයේද?
විදෙස් ගත වුනාට පසුව අපි හුඟක් හුදකලා වෙනවා. මම හිතන්නේ මේ හුදකලාව මාව ගීත නිර්මාණයට යොමු කරා.

ඒ කියන්නේ මේ සියළු ගීත මව්බිමෙන් බොහෝ දුර සිට ලියූ ඒවාද?
ඔව්. ඇත්තෙන්ම මගේ මව්බිමෙන් බොහෝ දුර ඈතක සිට ලියූ ඒවා.

ඇල්බමය කරන්නට උදව් ලැබුනේ කාගෙන්ද?
නම් ගම් කියන්නට බැරි වුනත් මගේ හැම යාලුවෙක්ගෙන්ම උදවු ලැබුනා. ඒ වගේම ඒ හැම කෙනෙක්ම කවමදාවත් නොදුටු මේ ෆේස්බුක් එකේම අය.
මගේ ඇල්බමය පිටුපසින් සිට මට මහත් සවියක් වුන සයිබර් අවකාශයේ මගේ ෆේස්බුක් මිතුරු කැළ අමතක කරන්න බෑ. ඔවුන් නොවන්නට හීන කුමාරී
හීනයක් පමණක්ම වන්නටත් තිබුනා.

උපදෙස් හෝ අදහස කාගෙන්ද?
අදහස මගේ. උපදෙස් හොය හොයා තනියමම ගිය ගමනක්.

ගායකයන් ගායිකාවන් කවුද?
චන්දන ලියනආරච්චි…විශාරද නලින කස්මිර….උදානි පබසරා…

තනු කාගේද?
වැඩිම තනු ප්‍රමාණයක් චාමර හපන්ගම මිතුරගෙ..ගීත 12 කටම. අනික් 1 ගීතයක් කපිල කුමාර අපරැක්කගෙ තව 1ක් ඉරේෂ් උදයංගගෙ…තව 1ක් ධනුක
අමල්ෂගෙ.

විශේෂ ස්තුතිය කාටද?
මගේ සියළුම යාලුවන්ට…විශේෂයෙන්ම ෆේස්බුක් එකේ….. සියළුම දෙනාට

ඔබ ෆේස්බුක් පිළිබඳව සිතන්නේ කුමක්ද?
මට නම් හොද තැනක්…අපි යහපත් අරමුණනි හොද විදිහට පාව්චි කලොත් හොදයි…ඕනිම දේක හොද නරක 2ක් තිනවනෙ..අපි යොදාගන්නා විදිහ අනුව තමයි….

ඔබ නියෝජනය කරන්නේ තරුණ පරපුර, මේ ගමනට අන්තර් ජාලයෙන් ඔබට ලැබුනු උදව්?
ඇත්තටම සයිබර් අවකාශය හින්දා තමා මම මේ තරම් දුරක් ආවෙ..එහෙම නොවුන නම් අද මම වගේ කෙනෙක් මෙතන නැහැ…

ඇල්බමයේ අරමුණ?
විදින්න දෙයක් දෙන්න ඕනි වුනා.

දැන් ඔබ නැවතත් විදෙස්ගතයි?
ඔව්.

ඔබ හිතනවාද ජනතාවට ඔබව මතකයේ රඳවා තබන්නට මෙම ඇල්බමය සමත් වෙයි කියලා?
මට ජනපි්‍රය චරිතයක් වෙන්නවත් මිනිස්සු මාව මතකයේ තියා ගන්නවත් නෙමෙයි ඕනි වුනේ…හැමදාම මම ලියන ඒවා ෆේස්බුක් එකෙන් කියවපු මගේ
යාලුවන්ට විදින්න දෙයක් දෙන්න ඕනි වුනා…ඒ දේ මම මෙයින් කලා.

පවුලේ විස්තර?
මගේ අම්මා..අක්කා සහ අයියා..

ඇල්බමය අළෙවි වන ස්ථාන?
තවම බෙදාහැරිමේ ආයතනයක් හොය හොයා යනවා..තාම හම්බවුනේ නැහැ..

අනාගත බලාපොරොත්තු?
විශේෂ දෙයක් නැහැ…රටට බරක් නැතුව ජිවත්වෙන්නයි අරමුණ…

ලන්දේසීන් විසින් කොළඹ කොටුවේ ඉදිකරන ලද ලන්දේසි රෝහලද අගනුවර පිහිටි ඉපැරණි ගොඩනැගිලි අතරෙන් එකකි. අදින් සියවස් තුනකට පමණ පෙර කොළඹ පිහිටි නිස්කලංක පෙදෙසක් තෝරාගෙන ලන්දේසීන්ටම ආවේණික වූ ගෘහ නිර්මාණ ශිල්ප හා හැඩතල යොදාගනිමින් එදා ඕලන්ද ජාතිකයන් විසින් ඉදිකෙරුණු මෙම ගොඩනැගිල්ලට අද වුවද පා තබන්නෙකුට එදා ලන්දේසි යුගයේ මෙහි වූ අභිමානය දැනෙන්නේ එහි ඇති අසමසම නිමැවුම නිසාවෙන්මයි. වත්මන් ‍කොළඹ ලෝක වෙළඳ මධ්‍යස්ථාන ගොඩනැගිලි යුගලයත් ලංකාබැංකු ගොඩනැගිල්ලත් අතර මෙම ඓතිහාසික ගොඩනැගිලි සංකීරණය පිහිටා ඇත. මෙම රෝහල් සංකීර්ණය කොටස් පහකින් සහ මැද මැදුල් දෙකකින් යුක්තය. ඉදිරිපස දිගු ආලින්දයක් ද වෙයි. ගොඩනැගිල්ලේ මුල් කොටස තට්ටු දෙකක් වන ලෙස ඉදිකර ඇත. ඉහල මාලය තනිකරම නිර්මාණය කර ඇත්තේ ලී තට්ටුවක් මතය. පියගැට පෙලද තනිකරම දැවයෙන් නිමාකර ඇත. සියවස් තුනකට පසුත් අදටද මෙම තට්ටුව සහ පියගැට පෙල ඉතාමත් සවිමත් සහ නොදිරූ එකක් වීම එදා ලන්දේසීන්ගේ ගොඩනැගිලි ඉදිකිරීමේදී ඔවුන් සතු වූ උසස් තත්වය අපට මනාව කියාපාන්නකි. එමෙන්ම අඩි එකහමාරක් පමණ පලල කබොක් ගලින් බැඳ හුණු ආලේපිත බිත්තිද ඉතාමත්ම සවිමත්ය. සියවස් තුනකට පමණ පෙර ඉදිකරායැයි කීවද මෙහි ඉදිකිරීම් ඇරඹු සහ අවසන් කල නිශ්චිත දින වකවානුවක් සඳහන්වන්නේ නැත.

ඉතිහාසයේ ලේඛණගත මුල්ම වාර්තාව ලෙස 1677 වසරේදී ජර්මන් ජාතිත කේ. ස්ව්ට්සර්ගේ වාර්තාවත් 1730 වසරේ බෝහියර් විසින් නිර්මාණය කළ සිතියමේ සටහන් ලන්දේසි රෝහලත් සඳහන් කළ හැකිය.හෙයිට් නම් පුද්ගලයෙකු විසින් 1734 වසරේ තබා ඇති සටහනකට අනුව එවකට ලෝකයේ යටත් විජිත අතර වූ හොඳම රෝහල කොළඹ මෙම රෝහල බව සඳහන්ව ඇත. එයට හේතු වී ඇත්තේ මෙරට පාලනය කළ ලන්දේසි පාලකයන් හා නිළධාරීන් ද ඔවුන්ගේ පවුල් සාමාජිකයන්ද කොළඹ කොටුවේ සහ ඒ අවට පදිංචිව සිටි නිසා ඔවුන්ගේ සෞඛ්‍යය පිළිබඳ වගකීම රෝහල සතුවීමයැයි අනුමාන කළ හැක. එවකට මෙහි ශල්‍ය වෛද්‍ය වරුන් තිදෙනෙක් සිට ඇති අතර ඔවුන් ඇම්ස්ටඩෑම් සරසවියේ උපාධි ධාරීන් වුහ.

තුන්වැනි ශල්‍ය වෛද්‍ය වරයෙකු ලෙස 1768 දී ලංකාවට පැමිණි කැරල් පෙඩ්රි නම් වෛද්‍ය වරයා මෙම රෝහලේ කදිම භූමි දර්ශණයක් සිත්තමට නඟා ඇත්තේ ඔහු වෛද්‍ය වරයෙකු පමණක් නොව හොද චිත ශිල්පියෙකුද වූ බැවිනි. මීට අමතරව මෙරට ශාක පිළිබඳව පර්යේෂණ ගණනාවක් සිදුකල වටිනා වෛද්‍ය වරයෙකු වශයෙන් වෛද්‍ය පෝල් හර්මන් සඳහන් කළ හැකිය. රොහලේ ඉදිරි කොටසේ ඉහල මාලයේ වෛද්‍ය නිල නිවාස වූ අතර පහල මාලය රසායනාගාරය සහ ඔසු නිෂ්පාදනාගාරය විය. වෛද්‍ය වරු දිනකට දෙවතාවත් රෝගීන් පරික්ෂා කර ඇත. එවකට ලක්දිව පාලනය කළ නරේන්දසිංහ රජු ද එක් වරක් මෙම රෝහලේ මුල් වෛද්‍ය වරයා වාසලට ගෙන්වාගෙන පතිකාර ලබාගෙන ඇත. කම්කරුවන් ලෙස සේවය කර ඇත්තේ වහලුන් වූ නමුත් ඔවුන්ට වැටුපක් දී ඇත.එවකට ලන්දේසි සෙබලුන්ට සහ නාවිකයන්ට පතිකාර කිරීම් බහුලව සිදුවී ඇත.

කාලයත් සමඟ අභාවයට ගොස් වැනසෙමින් තිබූ මෙම ගොඩනැගිලි සංකීරණයට නව පණක් දැන් ලැබී ඇත. වත්මන් රජය විසින්  පිළිසකර කිරීමෙන් අනතුරුව මෙම පෞරාණික ගොඩනැගිල්ල දැන් වෙළඳ සංකීර්ණයක් බවට පරිවර්තනය කර ඇත. බස්නාහිර මුහුදු ක්ෂිතජයෙන් හිරු අවරට යන සැන්දෑ යාමයක ලන්දේසී රෝහල් වෙළඳ සංකීර්ණයේ සාප්පු සවාරියකටත් ඉන්පසු ගාලු මුවදොර නරඹා විනෝදයක් ලබන්නටත් සියලු ලාංකිකයනට සහ මෙරටට පැම්ණෙන විදේශිකයන්ට දැන් අවකාශ ලැබී ඇත.

මෙම දී කිරි විශේෂය හට ගන්නේ පොල් ගසේය. දී කිරි පොල් නම්න් හඳුන්වන විශේෂ පොල් වර්ගයක් දෙණිපිටිය පලාතේ ඇත. සාමාන්‍ය පොල් ගසක්ම වන නමුත් දි කිරි පොල් ගසේ පොල් වල්ලකින් එකක් දෙකක් දී කිරි පොල් දැකිය හැක. දී කිරි ඉතා දුර්ලභ යැයි ගම් වැසියෝ පවසති. එම දුර්ලභ කම නිසාවෙන්ම මෙම දී කිරි පොල් ගෙඩියක් රුපියල් 200-300 අතර මිලකට අළෙවි වන බවද ඔවුහු පවසති. පිටතින් බැලු බැල්මට සාමාන්‍ය පොල් ගෙඩියක් තරම්ම වන දී කිරි පොල්ගෙඩිය සාමාන්‍යයෙන් අනෙක් පොල් ගෙඩියකට වඩා බරෙන් වැඩිය. සොලවන විට සාමාන්‍ය පොල් ගෙඩියක් මෙන් වතුර සෙලවෙන්නේ නැත. නමුත් දෙණිපිටිය අවට ගම් වැසියෝ සාමාන්‍ය පොල් ගෙඩි වලින් දී කිරි වෙන් කිරීමට හොඳින් දනිති. සොලවන විට නැ‍ඟෙන හඩ සහ ලෙලි ගැසීමේදී ලෙල්ලේ ඇති මෘදු ගතිය පහසුවෙන්ම දී කිරි පොල් ගෙඩියක් වෙන්කර ගැනීමට උපකාර වන බව ඔවුන් පවසති.

දී කිරි පොල් ගෙඩිය කොතෙක් මේරූ එකක් වූවද එහි පොල් මදය සාමාන්‍ය පොල් ගෙඩියක් තරම් දෘඩ නැත. නමුත් ඇතුළත අවකාශය අනෙක් පොල් ගෙඩියකට වඩා අඩුය. පිරුණු මදයක් දී කිරි පොල් තුළ ඇත. පිරුණු මෙම මෘදු මදය හැන්දක් ආධාරයෙන් හෝ පිහියකින් කපා වෙන් කිරීම මඟින් පහසුවෙන් කෑමට හැකිය. දී කිරි පොල් මදය අධික මේද ස්වභාවයක් ගනී. සුළු සීනි මුසු කිරි රසත් මේදයත් නොසෑහේනම් දී කිරි පොල් සමඟ සීනි හෝ පැණි මුසුකරගෙන ආහාරයට ගත හැකිය. නමුත් සාමාන්‍ය පොල් ගෙඩියක් මෙන් පොල් කිරි හෝ කොප්පරා කර තෙල් සෑදීමට දී කිරි පොල් යොදාගත නොහැකිය. දවද දී කිරි හඳුනාගැනීමට නොහැකි අය අතට දී කිරි පොල් ගෙඩියක් පත් වුවහොත් එය පුහු පොල් ගෙඩියක් යැයි සිතා ඉවත දැමීමට වුවද ඉඩ ඇත. දී කිරි වැඩිපුරම මිලදී ගන්නේ මුස්ලිම් ජාතිකයන් බවත් එහි ඇති ගුණාගුණ හොඳින් දන්නා ඔවුන් දී කිරි පොල් විශාල වශයෙන් රාමසාන් උත්සව සමයේ මිලදී ගන්නා බවත් ඒ හේතුව නිසාවෙන්ම වසරේ දී කිරි පොල් මිල ඉහළම අගයක පවතින්නේ රාමසාන් උත්සව සමයේදී බවත් ගම් වැසියෝ පවසති.

දී කිරි ගෙඩිය බිඳ එතුළට හකුරු, මුද්දරප්පලම් ආදිය දමා නැවත එක් කොට බැඳ ගින්නේ පුළුස්සා ආහාරයට ගැනීම ඉතා රසවත්ය. එයට අමතරව රස කැවිලි සහ දෝසි වර්ග සෑදීමටත් දෙණිපිටිය අවට ගම් වැසියන් මෙම දී කිරි පොල් යොදා ගනී. පුරුෂ ශක්තිය වඩවන ආහාරයක් ලෙසත්, ආයුර්වේදයේ යොදාගන්නා වාජීකරණ  ඔසුවක් ලෙසත් දී කිරි පොල් හඳුන්වා දිය හැකිය. නමුත් මෙහි ඇති අවාසනාවන්තම සිද්ධියනම් කිසිම දිනයක දී කිරි පොල් ගෙඩියක් පැළ කර දී කිරි පොල් ගසක් ලබාගත නොහැකි වීමයි. ඒවා ස්වභාවික පොල් ගස් අතරින් ස්වභාවිකව හට ගනී. එයට හේතුවනම් පොල් ශෘකයේ ඇති නිලීන ජානයක් ඉස්මතු වීමය. ඒ සඳහා නිලීන පිරිමි මලකින් නිලීන ස්තී මලක් පරාගනව විය යුතුය. පොල් පර්යේෂණායතනය දැනට පටක රෝපණයෙන් බිහි කරගත් ශාක කිහිපයක් පැළකර ඇත. ඒවා නුදුරු දිනෙක ඵල දරණු ඇත. එතෙක් ඒ පිළිබඳ විශ්වාසය තබා සිටිනු හැර වෙන කළහැක්කක් ‍නොමැත.ඒ හැර ස්වභාවික දී කිරි පොල් ගස් දැකිය හැක්කේ දෙණිපිටිය, වැළිපිටිය ආදී පලාත්වල පමණි.